محمد نجاتي يتصدر تريند «جوجل» بعد توضيح علاقته بمنة عرفة
تصدر الفنان محمد نجاتي، مؤشرات البحث على جوجل، خلال الساعات الماضية، بعد تصريحاته عن انفصال الفنانة الشابة منة عرفة.
وعلق نجاني، على الأنباء التي ترددت مؤخراً حول علاقته بانفصال الفنانة الشابة منة عرفة عن زوجها الفنان الشاب محمود المهدي قبل عودتهما، قائلاً: «أنا تم الزج باسمي في الحكاية وأولادي بيسألوني عن الحكاية، فالموضوع كان شائك عندي في البيت، ولقيت اسمي جوة حكاية طلاق ومكنتش متوقع أن الموضوع يوصل للمرحلة دي».
وتابع نجاتي، خلال مداخلة هاتفية ببرنامج «الحكاية» الذي يقدمه الإعلامي عمرو أديب على شاشة MBC مصر: «أنا بعمل مسلسل اسمه فيلا 101 وبيشاركني فيه نجوم ومنة عرفة طالعه اختي وانا دكتور أمراض نسا وهي أغمى عليها ومعايا بنتين في المشهد، وكان من الطبيعي إن أنا أشيلها لأني أخوها ولقيتها بتقول وقالتلي أنا ماضية إن محدش يشيلني».
وأردف قائلاً: «فالمخرج قال هناقش المشهد دا بعدين ومش هنعمله أصلا دلوقتي، دخلنا في مشهد وهي نايمة على السرير وأنا كدكتور نسا بكتشف أن هي حامل، هكتشف ازاي أنها حامل من غير ماكشف عليها، وأجس النبض فرفضت منة، فالمخرج أصر على المشهد واليوم خلص وتاني يوم بيقولولي انها انفصلت عن جوزها».
واستطرد: «لقيت بعد كده أن الطلاق ده بسبب مشهد انا عملته وانا معملتش حاجة، والمشهد لا يستدعي ده واكتشفت الكلام ده على الانستجرام الخاص بزوجها محمود المهدي».
وقال: «أنا إن شاء الله هكون موجود مع دكتور أشرف زكي يوم الأحد، عشان اشوف العقد إذ كان اللي مكتوب فيه أيه اللي مسموح لي أن أعمله وايه اللي مش مسمحولي، وأنا شايف أن ده شكل من أشكال إهانة المهنة لأننا في مهنة محترمة».
