هنادي مهنا تتصدر “ترند جوجل” لهذا السبب

تصدرت الفنانة هنادي مهنا، مؤشرات البحث على جوجل، وحققت نسبة مشاهدة كبيرة، بعد أن كشفت عن بداية علاقتها بزوجها الفنان أحمد خالد صالح، موضحة أن نصيحته كانت ستؤدي إلى مشاكل بعينها أثناء إصابتها بالالتهاب.

وأشارت مهنا، إلى أنه طلب منها أن تضع عسل طبيعي بعينها، حيث أصيبت بورم وتعب شديد.

وأضافت خلال استضافتها هي وزوجها ببرنامج «صاحبة السعادة» الذي تقدمه الاعلامية إسعاد يونس عبر قناة «dmc» قائلة: «كنا بنتكلم في الشغل، ومكنش لسه فيه علاقة بينا، ومكناش صحاب أوي، كنا بنروح المكان نسلم على بعض، ومكناش بنتكلم في التليفون، دي المرة الوحيدة اللي معرفش إيه اللي حصل فيها».

وتابعت: «قعدنا في مكالمة منهم أكثر 4 ساعات مش عارفة ليه، كنت قاعدة في مكان بصور مسلسل، وهو كان في مكان بيصور فيلم، وكنا قاعدين بنتكلم والمكالمة تفصل ونتصل تاني»، مضيفة: «لما اعترف لي بحبه كنت في خروجة ولقيته بعتلي على الواتس آب وأنا كنت أول مرة أنتبه للموبايل ممكن يرن 9 سنين ومردش، في وقتها بقي كنا بنتكلم قالي I love you، وانا رديت عليه قولتله I love you more، بعد ما اتقالت موقفناش عندها، وكملنا كلامنا عادي في حاجات تانية».

وأردفت الفنانة هنادي خلال لقائها: «أول مرة حسيت بحاجة ناحية أحمد، لما عيني حصل فيها التهاب كلمته قالي حطي عسل أبيض، سمعت كلامه وعلى كمية الوجع اللى حسيت به، وعينى ورمت وكان عامل نفسه دكتور، وقتها حسيت اني بكرهه وقولت انا لازم اعلمه بلوك، وبعدها قعد يبعتلي رسائل ويطمئن عليا وكنت مبسوطة جدا، ومن هنا بدأت قصة الحب بيني وبينه».